Udaberri festa Martutenera itzuliko da aurkezpen berezi batekin
Martuteneko Udaberri Festa, 2015ean. (Argazkia: Olatu Talka) 
Ekainaren 9an, Martuteneko Udaberri Festa egingo dute Arantzazuko Ama Ikastolaren patioan. Arratsaldetik iluntzera bitarteko egitaraua prestatu dute, eta aurtengoak berrikuntza esanguratsu bat izango du. Azken hiru urtetan landuriko Martuteneko Tratu On eta Babeserako Plana aurkeztuko diete udal ordezkariei eta auzokide guztiei. Gainera, planaren emaitza mural parte hartzaile batean islatu dute, Garikoitz Murua (GKO) artistak gidatutako prozesu batean.
Hona hemen egitaraua:
- 16:30-17:00. Ongietorria eta Martuteneko Tratu On eta Babeserako Planaren aurkezpena. Ondoren, askaria.
- 17:00-18:30. 1,2,3 Emozi On jolasa (lagunekin edo/eta familiarekin jolasteko), Martu Camp jolasak, Txapa Tailerra eta informazio postua eta bizikletak prest uzteko gunea.
- 18:00. Mosaikoa eta murala.
- 18:30-19:30. Kantu Kolore taldearen emanaldia.
Udaberri Festa izaera komunitarioa duen jaialdia da eta auzoko haur, nerabe eta familiei zuzendutako egitasmoa da. Besteak beste, birziklapena, bide hezkuntza eta bizi ohitura osasuntsuak sustatzea du helburu.
