Abian da Herria elkartearen argazki lehiaketa
Herria elkartearen argazki lehiaketaren kartela. 
Herria elkarteak Herriaren Memoria, Izan Zirelako Gara, Garelako Izango Dira argazki lehiaketa antolatu du. Lanak aurkezteko epea hilaren 27ra arte egongo da zabalik, eta euskarri fisikoan aurkeztu nahi izanez gero, Ikatz kaleko Herria tabernan utziz edo hara postaz bidalita egin daiteke; euskarri digitalean aurkezteko, aldiz, herriakultur@gmail.com helbidera bidali behar dira.
Hostoak dira lehiaketako gaia, eta argazkia lehiaketaren izenarekin ondo lotzea kontuan izango dute. Parte hartzaile bakoitzak hiru lan aurkeztu ditzake gehienez, eta irabazleak 100 euroko saria eskuratuko du. Lehiaketaren oinarri guztiak hemen kontsultatu ditzakezue.
