Agur esan du Atzean Zuloak
Agur esan du Atzean Zuloa saioak. Bazen garaia, egia esan. Azkeneko ataletan ideiak bai, baina “ideia txarrak” zituztela onartu dute Hiru Damatxokoek. Duela bost urte abiatu zen proiektua, Bagera euskaltzaleen elkartearen eskariz.
Gaur kaleratu duten agur bideoan onartzen dutenez, Pantomima Full Espainiako saio arrakastatsuan oinarritu zen ekoiztetxea, eta hizkuntza eta errotuluak aldatzeaz gain, ezer gutxi gehiago, berritu zutela aitortu dute. Euskara sustatzeko helburua bete dutela adierazi dute Bagerako kideek aipatu elkarrizketan.
Azken Zuloa
Ironiaz lepo eta autopariodatik gertuago dagoen bideo labur honekin agur esan dute, bost urte eta 42 esketxen ostean. Ideiak agortu zaizkiela dioten arren, umore ona falta ez zaienaren seinale.
Erraz esaten dira 42 esketx egin dituztela, eta, hemen, ikustaldi gehien dituzten bostak aukeratu ditugu. Gainontzeko guztiak esteka honetan ikus daitezke.
Rankinga:
1. Femilistoa
2. Abertzalea
3. Egunean Behin frikia
4. Nazioartekoa
5. Guraso berria
