Kasilda Hernaez anarkista eta erresistentzia antifaxista gogoan, Sumarren aldeko bozka eskatu dute
Gaur, 1936ko uztailaren 18ko estatu kolpe faxistaren urteurrenarekin bat eginez, Sumarrek bere kanpaina ekitaldian Kasilda Hernaez anarkista donostiarra aldarrikatu nahi izan du. “Anarkista horrek tropa faxisten aurrerabidea geldiaraztea” lortu zuela gogoratu dute, eta paralelismoa egin nahi izan dute: “Hauteskunde orokor hauetan eskuin muturreko gobernu baten mehatxuak Euskadirentzat dakarren arriskuaren aurrean”.
“Igande honetan eskuin muturra geldiaraztea nahi dugu, Sumarren aldeko botoarekin”, Pilar Garrido Podemos Euskadiko koordinatzaile nagusi eta Gipuzkoako Sumarren hautagaiak baieztatu duenez. Kanpainako ekitaldian Joserra Becerra Kongresurako hautagaiak eta Victor Lasa Elkarrekin Podemoseko Donostiako udal bozeramaileak ere hartu dute parte.
Salatu dutenez, indar politiko batzuk, “lotsa gabe ausartzen dira espainiar faxismoaren altxamendua aldarrikatzen: lehen ez ziren ausartzen, baina orain bai”. Igande honetan, halaber, “frankistei aurre egin zien erresistentzia antifaxistaren alde bozkatu dugu ere, ez baitzuen amore eman eta ez baitzuen itxaropena galdu gerra galdu zutenean, Europak beste alde batera begiratu arren”, nabarmendu duenez.
Garridok Hernaez emakume “heroikoaren” hilarrian idatzitako esaldia aipatu du -’Emakumea, zu zara itzaltzen ez den sua’-, eskuin muturrak “eskubideak eta askatasunak luxu bat ziren garai ilunetara itzuli nahi gaituela ohartarazteko, non jendeak bizitza galtzen zuen eskubide eta askatasun horiek defendatzeagatik”. Hori dela eta, igande honetan “bizitza jokoan” dugula ziurtatu du, eta, horren harira, Sumar “lortutako eskubideak babesteko eta horietan aurrera egiten jarraitzeko bermea” dela adierazi du.
Ekitaldia Groseko Katalunia Plazan izan da, Basque Culinary Center 2 eraikitzeko asmoa dagoen lekutik gertu. Hain zuzen ere, gaur eman du Udal Gobernuak lanak hasteko lursailaren lagapena. Eta hori aipatu du Víctor Lasak, “petatxo berde horretaz goza dezakegula” salatzeko, “ekitaldia egin den Katalunia plazako lorategia seinalatuz, Groseko azken berdegunea delako, udalak erakunde bati ustiapen pribaturako azken birika berdea eman ondoren”.
