Altzara, Bidebietara eta Añorgara iritsi da Dbizi
Dbizi Donostiako bizikleta alokairu sistemak beste 21 geltoki gehiago ditu dagoeneko, eta orain arte geltokirik ez zuten auzotara heldu da: Altzara, Bidebietara eta Añorgara, esaterako. 257 bizikleta elektriko gehiagorekin zabaldu da zerbitzua. Egun, guztira, 70 geltoki ditu, eta zerbitzuak 317 bizikleta elektriko eta 317 bizikleta mekaniko ditu kalean.
Mugarri berri hau ezagutarazteko, komunikazio kanpaina bat jarri dute abian, sistemaren zabaltze honen hiru ardatz nagusien inguruan: auzo gehiago, geltoki gehiago eta bizikleta gehiago. Dbizi gehiago bizi leloa aukeratu dute.
Zerbitzuaren zabaltze honen zati bat, zehazki gehituko diren 132 bizikletak, Espainiako Garraio, Mugikortasun eta Hiri Agendako Ministerioaren Next Generation Funtsen bidez finantzatu dira.
Hona hemen geltoki berrien kokalekua:
EKIALDEA
Bidebieta (2)
– Geltoki 1, Julio Urkixo 44an.
– Geltoki 1, Nornahi plazatxoan (Bidebietako bidegorriaren lanak amaitu ondoren)
Altza (5)
– Geltoki 1, Harrobieta plazatxoan
– Geltoki 1, San Martzial plazan, Altzako goialdean (alde zaharra)
– Geltoki 1, Altzako kiroldegian
– Geltoki 1, Buenavistan (biribilgunea)
– Geltoki 1, Larratxo pasealekua 24an
Intxaurrondo (1)
– Geltoki 1, Txaparrene pasealekua 26an (Zubiaurre)
MENDEBALDEA
Antigua- Ibaeta (5)
– Geltoki 1, Satrustegi hiribidea 1ean (Matia kaleko sarreraren ondoan)
– Geltoki 1, Erregezaintza 28an
– Geltoki 1, Pio Baroja 20an
– Geltoki 1, Sert plazan
– Geltoki 1, Berio 42an (goialdea)
Aiete (3)
– Geltoki 1, Bera-Beran
– Geltoki 1, Pagola-Lugaritzen
– Geltoki 1, Txapillo kalean
Añorga (1)
– Geltoki 1, Añorga Txikin (sarrerako biribilgunea)
ERDIALDEA-AMARA-GROS- EGIA
Erdialdea (2)
– Geltoki 1, Moraza 1ean
– Geltoki 1, Nautikoan (Udaletxeko lanak amaitzen direnean).
– Ainguraleku kopurua handitzea: 12 ainguraleku gehiago lehendik dauden geltokietan
Amara (1)
– Geltoki 1 Olaeta/Ferreriasen
– Ainguraleku kopurua handitzea: 8 ainguraleku gehiago lehendik dauden geltokietan
Gros-Egia (3)
– Geltoki 1, Zabaleta 35ean
– Geltoki 1, Ametzagaiña 47an
– Geltoki 1, Zuhaizti plazan
