Bypassa jarriko dute saihesbidean astelehenetik aurrera
(Argazkia: Elkarrekin Donostia) 
Gipuzkoako Foru Aldundiak jakitera eman duenez, Donostiako saihesbidean (GI-20) bypassa jarriko dute igandetik astelehenerako gauean, Intxaurrondoko eta Polloeko tunelen artean, Bilboko noranzkoan.
Marrutxipin eraikitzen ari diren errepidearen lotune berriaren lanekin du zerikusia neurriak, eta ingurabidea urtebetez mantentzea aurreikusten da. Aldundiaren arabera, desbideratzeak ez dio Irungo noranzkoan doan trafikoari eragingo, bideen egungo antolamendua mantendu egingo baita.
