Bazkide izan nahi duten 3.000 laguneko itxaron zerrenda du Realak
Duela urtebete itxi zuen Realak bazkideen kupoa, eta orduan etengabe hazi den itxaron zerrenda bat aktibatu zuen. Une honetan, 3.132 pertsona daude zerrenda horretan. Hortaz, Realak jakinarazi duenez, 38.000 bazkiderekin hasiko du denboraldia. Duela denboraldi batzuk, Realak RS Fan izateko aukera eskaini zuen, eta gaur egun, bertan 1.200 bazkide baino gehiagok parte hartzen dute. Horiek bazkide izateko lehentasuna dute, eta pasa den denboraldian egon ziren bajen ondorioz, horietatik 600 bazkide bihurtu ziren. Asistentziari dagokionez, 2022-2023ko denboraldiko bataz bestekoa %78koa izan zen, hain zuzen, 32.597 ikusle.
