Jokin Aperribai Europako Kluben Elkarteko Batzorde Betearazleko kide izendatu dute
Jokin Aperribai, prentsaurreko batean. (Argazkia: Reala) 
Realeko presidentea, Jokin Aperribai, Europako Kluben Elkarteko Batzorde Betearazleko kide izendatu dute. Halaxe iragarri du elkarteak X sare sozialean. Aukera asko zituen batzordeko kide izendatzeko, bederatzi hautagai baitziren zazpi postutarako, eta azkenean hala izan da.
Europako Kluben Elkarteak (European Club Association – ECA, ingelesez) Europako futbol taldeak ordezkatzen ditu, eta horiek babesteaz eta sustatzeaz arduratzen da. UEFAk —Europako futbol erakunde gorena—onarturiko halako helburuak dituen elkarte bakarra da.
