Egur taila ikastaroa antolatu du Uliako Auzo Elkarteak
Beste urte batez, eskolak ematen hasiko dira irailaren 20an.
Aurreko urteetan egin duten moduan, aurten ere egur taila eskolak emango dituzte Ategorrieta Hiribideko 67 zenbakian. Ikastaroa irailaren 20an hasiko da, arratsaldeko 16:00etan, eta parte hartu nahi duen orok, lehendabiziko egunean bertaratu edo asociaciondevecinosdeulia@gmail.com helbide elektronikoan eman beharko du izena.
Aurten, ikastaroaz gain, erakusketa antolatu dute leku berean, Karate-do saito bildumako lan berriak aurkezteko. Erakusketa, gaurtik aurrera egongo da erakusgai, goizeko 9:00etatik, arratsaldeko 18:00ak bitarte, larunbatetan izan ezik.
