Miren Lazkano donostiarra eslalomeko piraguismoko Munduko Txapelketako finalerdietan ariko da
Miren Lazkano piraguista, finalerdietarako sailkatu ostean. (Argazkia: Basque Team) 
Miren Lazkano piraguista donostiarra Lee Valleyko (Ingalaterra) eslalomeko piraguismoko Munduko Txapelketako finalerdietarako sailkatu da, Klara Olazabal iruindarrarekin batera. Lehenengo jaitsieran lortu dute biek finalerdietarako txartela, gainerako parte hartzaileen emaitzari itxaron beharrik gabe.
Zehazki, Lazkano seigarren gelditu da, jaitsiera 98,51 segundotan (+3,40) amaituta eta 23. atean zigorra jasota. Olazabal, aldiz, bederatzigarren gelditu, 99,12 (+4,01) segundoko denbora eginda.
