Argazki bat behelainoan taldearen 'Segurtasun eza' diskoa kalean da
Argazki bat behelainoaneko taldekideak. (Argazkia: Unai Pelayo) 
Kalean da Argazki Bat Behelainoanen Segurtasun Eza (Bonberenea Ekintzak, 2023) disko berria. Arkaitz Artolaren bakarkako proiektuak beste maila bat hartu du dagoeneko, eta talde gisa osatu du proiektua. Diskoan Iker Vazquez (Pelax) izan du lagun baterian eta Zuriñe Sarasola teklatuetan.
2023ko martxotik apirilera, Karlos Osinagaren gidaritzapean, Bonberenean grabatu eta nahastu da estudioko lehen lan luzea: Segurtasun eza. Masterizazioa Jonan Ordorikak egin du, eta Bonberenea Ekintzak-en eskutik kaleratu dute.
Segurtasun Eza LP eta CD euskarri fisikoetan argitaratu da, bien barnean deskarga txartel bat dago bertsio digitala eskuratu ahal izateko. Bertsio digitala Bandcampen eskuratu ahalko da eta bai deskarga txartelarekin eta bai Bandcampeko bertsio digitalarekin, 3 abesti gehiago eskuratu ahalko dira bonus track moduan. 3 abesti hauek diska osatzen duten 7 abestien grabaketa-sesio berean grabatu ziren.
Lehenengo aurkezpen emanaldiak azaroaren 12an Donostiako Doka aretoan eta azaroaren 18an Tolosako Bonberenean izango dira. Emanaldi hauetarako Jon Agiriano (Rukula), Iker Vazquez (Pelax), Iñigo Ozaeta (Pelax) eta Fermin Mendazona (Géra) musikariak batuko zaizkio Arkaitz Artolari (Argazki Bat Behelainoan).
