Lidergoa sendotzeko aukera izango du Txuri Urdinek
Txuri Urdin taldearen partida bat. (Argazkia: Txuri Urdin) Txuri Urdineko emakumeek lehen postuan sendotzeko aukera paregabea izango dute asteburu honetan, Huarte bigarren sailkatuaren aurka lehiatuko baitira. Zortzi partidatan bakarra galdu dute, aurreko asteburukoa, hain justu, eta partida hark utzitako aho zapore garratza gozatu nahiko dute Huarteren zelaian. Gizonezkoak, aldiz, Majadahondaren etxean arituko dira, baina haien erronka ere ez da makala. Izan ere, hirugarren postuan dira orain donostiarrak, eta bigarrenean madrildarrak, eta irabaziz gero sailkapenean aurre hartuko liekete.
Futbolean, gizonezkoen Realak Vila-realen etxean jokatuko du, Kopako partida kaxkarra lehenbailehen ahazteko asmoarekin; emakumezkoek, ostera, Sporting Huelvarenean. Hiru puntuak batzeko aukera ona dute Natalia Arroyorenek, Sportingek puntu bakarra lortu baitu hamar jardunalditan.
Saskibaloian, Ibaeta Basketek goiko postuetara begiratzeko partida izango du. Gutxigatik, baina liderraren aurka amore eman behar izan zuen pasa den asteburuan Gaskan, eta oraingoan bigarren sailkatuaren etxean jokatuko dute, Casademont Zaragozarenean, hain zuzen. Gipuzkoa Basketek, berriz, Illunben jokatuko du bere partida. Orain arte etxean jokatutako partida guztiak irabazi ditu Mikel Odriozolak zuzendutako taldeak, eta bolada horri segida eman nahiko diote Coruñaren kontura.
PARTIDAK
Izotz hockeya
Emakumezkoen liga, 11. jardunaldia
- Huarte — Txuri Urdin (larunbata, 9, 21:15)
Gizonezkoen liga, 12. jardunaldia
- Majadahonda — Txuri Urdin (larunbata, 9, 22:00)
Futbola
Emakumezkoen liga, 11. jardunaldia
- Sporting Huelva — Reala (larunbata, 9, 14:00)
Gizonezkoen liga, 16. jardunaldia
- Vila-real — Reala (larunbata, 9, 18:30)
Saskibaloia
Emakumezkoen liga, 11. jardunaldia
- Casademont Zaragoza — Ibaeta Basket (igandea, 10, 12:15)
Gizonezkoen bigarren mailako liga, 12. jardunaldia
- Gipuzkoa Basket — Coruña (igandea, 3, 17:00)
