‘3D inprimaketa. Diseinatu, sortu, eraiki’ erakusketaren ateak zabalik egongo dira apirilaren 28ra arte
Museum Cemento Rezolaren erakusketa guneak %41 handitu du bisitari kopurua eta azken urtean 11.996 bisita jaso ditu.
Museum Cemento RezolaMBN Comunicación 
Apirilaren 28ra arte egongo da ikusgai teknika gehigarri horren bidez ekoitzitako objektuak bisitariei hurbiltzen dizkien 3D inprimaketa. Diseinatu, sortu eraiki erakusketa. Museum Cemento Rezolaren irekiera ordutegia asteartetik larunbatera da, 10:00etatik 14:00etara. Astelehenean, igandean eta jaiegunetan itxita dago. Sarrera doakoa da.
Museoa 1948an langileen seme alabentzat eraiki zen eskola zaharreko eraikinean kokatuta dago eta honek, gaur egun, lehen hezkuntzako ikasleentzako hezkuntza programa bat du, baita bigarren hezkuntzarako eta lanbide heziketarako jarduerak ere.
Ikastetxe bakoitzaren beharrei erantzuteko asmoz, bisita komentatuak eskaintzen dira bertako espazio eta tailer egokituetara. Heidelberg Materialesen esku dagoen museoak jakinarazi duenez, 2023an egindako jarduera pedagogikoek aurreko urteko zifrak bikoiztu dituzte. Halaber, Añorgako Amasorrain Ikastolako 6.mailako ikasleekin lankidetza Hariak sortzen erakusketa inauguratu zen.
Era berean, desgaitasuna duten pertsonen kolektiboentzat eta eguneko zentroentzat diseinatutako eskaintzak harrera bikaina izan du. Gainera, udan AñorgARTEA gunea inauguratu zen, jendearen artearen jakin min handia piztu zuen Shanti Pagola. Marketeriaren mugan erakusketarekin eta Ondareari Begiradak film laburren jaialdiaren bigarren edizioa egin zen.
2024rako programazioari dagokionez, Museum Cemento Rezolak “teknologia, ingurumena, artea, eraikuntza eta ondarea giltzarri izango dituen programazioa” eskaintzen jarraituko duela jakinarazi du.
