Donostian abiatuko du bira Gorka Urbizuk
Gorka Urbizuk sekulako sorpresa eman zien bere zaleei joan den astelehenean, disko berri bat argitaratuz. Horrez gain, bakarkako ibilbidearen hasiera iragarri zuen. Lana sareratu eta astebetera aurkezpen tourra iragarri du: Tour bat izenarekin.
Hasiera bat diskoa hautsak harrotzen ari da. Berri Txarrak taldea utzi zuenetik kaleratzen duen lehen lana da Urbizuren hau. Pop intimista eta soilez osatutako hamar piezek osatzen dute, “babesgune” bat sortuz, Urbizuren hitzetan.
Donostiako kontzertuak irekiko du bira, otsailaren 23an, Intxaurrondo Kultur Etxean. Euskal musikaren zaleek aukeraketa zaila izango dute, Miren Narbaizaren MICE proiektuak bira amaiera baitzuen egun horretarako, Lugaritz Kultur Etxean.
‘Tour bat’
Hauek dira Donostiakoaz gain egingo dituen kontzertuak:
02 / 28 Bilbo – Euskalduna Jauregia
02 / 29 Gasteiz – Kubik
04 /12 Iruñea – Zentral
04 / 19 Madrid – Eslava antzokia
04 / 27 Bilbo – Kafe Antzokia
02 / 18 Miarritze – Atabal
05 / 25 – Bartzelona – Paral·lel 62 aretoa
06 / 07 – Azpeitia – San Agustin kultur gunea
Sarrerak asteazkenean, urtarrilak 24, 12.00etatik aurrera egongo dira salgai Urbizuren webgunean bertan.
