Gazteek sortutako hiru dimentsioko argi eskulturak Museum Cemento Rezolan ikusgai
Gazteek sortutako hiru dimentsioko argi eskulturak.Museum Cemento Rezola 
Añorgako Museum Cemento Rezolak, Lasarteko IES Oriarte BHI Institutoko ikasleekin eta Jaime de los Rios artista donostiarrarekin egindako MuseumLAb hezkuntza proiektu berriaren emaitza aurkeztuko du. Erakusketan hiru dimentsioko argi eskulturen lanak aurkeztuko dituzte eta proiektu laborategiaren esperimentazio faseak erakutsiko dira.
Gaurtik aurrera erakusketa hartu du museoak, eta otsailaren 2an Lasarteko ikasleek eta Jaime de los Rios sortzaileak, hezkuntza programaren proiektu hau aurkeztuko dute. Museoan amaitzean, erakusketa institutura eramango da.
2023ko urrian Sepulka Komandoa sortu zen, Lasarteko Institutuko DBHko 4.mailako kurrikulum aniztasuneko ikasleekin batera. Laborategi horretan, ikerketa, zientzia eta artearen inguruan hausnartzeko eta sorkuntzarako elkartzen dira, artista donostiarrarekin batera.
