Igandean egingo dute XIV. boulder txapelketa herrikoia Pio Barojan
Pio Barojako rokodromoa.Fortuna Kirol Elkartea 
Urteroko moduan, Fortuna Kirol Elkarteak boulder txapelketa herrikoia antolatu du igande honetarako, hilak 18, Pio Barojan. Txapelketa honen bitartez eskalada “bere zentzu herrikoienean” bultzatzea bilatzen da, eta edonori parte hartzeko aukera emango zaio txapelketan.
“Ikuspegi ireki eta herrikoi” honetatik, “modalitate hau eskalada klasikoa baino askoz erakargarriagoa dela” uste dute antolatzaileek, eskaladan lehen urratsak eman nahi dituenarentzat eta, aldi berean, ikuslearentzat. Eskalada maila ezberdinetako bide hautaketa egongo da, hastapenetan dabilenarentzat edota trebakuntzarik ez duenarentzat, eta partaideek ez dute mugarik izango, nahi adina bloketan saiatu ahal izango baitira.
Probaren informazioa
Ordutegia:
- 9:00: Dortsal banaketa eta Izen – Ematea
- 10:00 – 12:00: Sailkapena Sub 14 eta Sub 16
- 12:30 – 14:30: Sailkapena Sub 18, Seniorrak eta Beteranoak
- 16:00 – 19:00: Finalak
*Maila guztietako blokeak.
Izen-ematea:
- Aurretik (online): 15€
- Egunean: 20€ (plazarik balego)
*Abonatuak: 2€ gutxiago
Opari gisa izen emandako guztiek txapelketako kamiseta bat jasoko dute.
Partehartzea: 180 parte-hartzaile.
Zozketa: Sariak parte-hartzaile guztien artean.
