Pedro Lazkanoren omenezko bola jokoa egingo dute Ategorrietako bolatokian
Asteburuan dira elkartzekoak, Bola eta Toka Federazioko presidente ohia omentzeko.
Pedro Lazkano, Aieteko bolatokian. Lantxabe auzo elkartea 
Otsailaren 18an dira elkartzekoak bola jokoan, Pedro Lazkanoren heriotzaren laugarren urteurrenerako bi aste falta direnean. Lazkanoren omenezko bola jokoa antolatu dute Ategorrietako bolatokian, Euskal Giroa elkarteak Estibaus.info webgunean argitaratu duenez. 10:00etatik 11:00etara izango dute jokatzeko aukera, eta sariak eskainiko zaizkie federatu eta federatu gabeko parte hartzaileei.
Euskal Giroak adierazi duenaren arabera, Gipuzkoako bolo mundua “iraulketa diskretu baina garrantzitsua bizitzen ari da”, antzinako herri kirol horren zaletasuna hauspotu baitu belaunaldi batek. Bide horretan, Pedro Lazkano bezalako “itzal handiko” bolariek ekarpen handia egin dute, eta egun, emakumearen presentzia bermatu da, besteak beste “Lazkano bezalako bolarien interesari esker”.
Gipuzkoako Bolo eta Toka Federazioko presidentea zen arren, hainbat bolatoki izan zituen Lazkanok bere ardurapean. Horietako bat izan zen Ategorrietakoa, eta bertan elkartzekoak dira, Lazkanok egin zuen moduan, bolo jokoaren zaletasuna zabaltzen jarraitzeko.
