Milaka lagun elkartu dira Palestinaren aldeko mobilizazioan
Palestinaren aldeko mobilizazioa.Joseba Parron 
Palestinaren aldeko mobilizazio masiboak milaka lagun elkartu ditu Donostian, Kulturatik Sortzaileak Palestinarekin ekimenak deituta. 12:30ean Alderdi Ederretik hasi eta Haizearen Orrazian amaitu den manifestazioak dozenaka artisten piezen ikuskizunak izan ditu nagusi.
Halaber, ekimen berezi batekin itxi dute mobilizazioa: manifestariak Haizearen Orrazian etzan egin dira, lurrean, Gazako hildakoak direla simulatuz.
Jarraian Palestinaren aldeko manifestazioaren, eta Arrazakeriaren eta Xenofobiaren aurkako 27. Martxaren irudiak ikus ditzakezue.
Bertsolariak, dantzariak, margolariak eta abeslariak, besteak beste, izan dira bertan, manifestazio honen bitartez Palestinako masakrearen behin betiko su etena eta “okupazioaren amaiera eta gizon, emakume eta haur errugabeen indarkeria eteteko” eskatzen.
Batzuek egunari hasiera eman diote Trintxerpeko azokatik 11:00etan irten den Arrazakeriaren eta Xenofobiaren Aurkako 27. Martxarekin eta ondoren mobilizazioarekin Alderdi Ederren elkartu dira.
Jarraian mobilizazioren argazkiak ikus ditzakezue.
