'Poliziaren inpunitatearen aurka!' dinamikaren baitan ostiralean kalera atera ziren manifestariak
Ostiraleko manifestazioa.Aske Antolakundea 
Poliziaren Gehiegikeriaren Kontrako Nazioarteko Egunean, Poliziaren inpunitatearen aurka! dinamikaren baitan ostiralean kalera atera ziren ehundaka lagun, Txago Donostiak, Piztu Donostiak eta Aske Antolakundeak deituta, eta Easo plazatik abiatu zen manifestazioan.
ASKEk ohar batean adierazi zuenez “Euskal Herri Langilearen bizi baldintzak behera egiten ari diren garaiotan” ematen dira neurri hauek eta azken hilabete honetan kanpaina informatibo bat burutu dute, “Donostian eraiki nahi dituzten bi komisaldegi berriak salatzeko”, besteak beste.
Dinamikarekin jarraituz, bihar, 18:30ean, poliziaren indarkeriari buruzko hitzaldia antolatu dute Parte Zaharreko Arrano Beltza Euskaltokian. Azaldu dutenez, “azken egunotan hamaika izan dira poliziaren bortizkeria agerian utzi dituzten jazarpen kasuak”.
