Ancient Settlers taldeak 'Wounded Heart' singlea plazaratu du
Ancient Settlers heavy metal boskote donostiarra.Basque Metal Country 
Ancient Settlers melodic death metal talde donostiarrak Wounded Heart singlea argitaratu du, bere bigarren diskoaren aurrerapena. Maiatzaren 17an plazaratuko dute Oblivion’s Legacy (Scarlet Records) diskoa. Hamar abesti izango ditu album horrek, guztiak Fredrik Nordstrom ezagunak (At The Gates, In Flames, Opeth, eta abar) nahastu eta masterizatutakoak, Suediako Fredman estudioetan. Bestalde, Jon Toussas ilustratzaileak (Nightrage, W.E.B, eta abar) egin du diskoaren azala.
Herriko Burdina atariak jaso duenez, taldeak azaldu du aurrerapen abestiak “existentziaren korronte nahasietan zehar bidaia errai bat” gogorarazten duela, “non denboraren martxa gupidagabeak amets apurtuak eta etengabeko presa bat uzten dituen bere atzetik”.
Argen Death (ahotsa), Carlos Chiesa Estomba (gitarra eta ahotsak), Agustin Martinez (gitarra), Miguel Herrera (baxua) eta Herman Riera (bateria) dira Ancient Settlerseko taldekideak. Urtarrilean, Tales From The Earth EP-a argitaratu zuten.
