Korrika Txikia

Groseko kaleak alaitu ditu Korrika Txikiak

2024/03/22

23. Korrika Donostiara iristeko egun bat falta denean, Korrika Txikiak egin dituzte hiriko ikastetxeek. Grosen, Zuhaizti ikastetxetik abiatu dira, mutiko batek lekukoa eskuan zuela, eta gainerako ikasle guztiak pankartaren atzean korrika. Erritmo bizian egin dute Sagueserako bidea, eta ibilbidean zehar, gero eta adin txikiagoko haurrak joan dira lekukoa hartzen eta Korrika Txikira batzen.

Adinaren arabera, koloretako kamiseta desberdinak eraman dituzte, eta Gros kolorez janztea lortu dute ikasleek. Kalean zebiltzanek pozik hartu dituzte haurrak, eta mugikorrik ez zen falta Groseko Korrika Txikiko argazkiak eta bideoak egiteko. Gaurkoa entrenamendua izan da, biharko Korrikarako prest egoteko.

Jarraian, Groseko Korrika Txikiko irudiak: