Rip Curl Gromsearch probaren 25. urteurrena Donostian izango da
Rip Curl Gromsearch probaren 25. urteurrena apirilaren 5ean, 6an eta 7an egingo da Zurriolako hondartzan. Iñigo Iraola Country Manager eta Espainiako marketin arduradunak azaldu duenez, 1999an Torquayn (Australia) sortua, Rip curl GromSeach 16 urtetik beherako Surflari gazteentzako “lehiaketa esklusiboa da”.
Aldi berean egiten da munduko hainbat eskualdetan: Brasilen, Australian, Indonesian, Hegoafrikan, Zeelanda Berrian, Estatu Batuetan eta Europan. “GromSearch talentu gazteen benetako hazitegia da, eta Stephanie Gilmore (7 aldiz munduko txapeldun emakumezkoen surfean), Gabriel Medina eta beste asko bezalako etorkizuneko munduko txapeldunak aukitu ditu”. Donostiako proba Europako zirkuituaren barruan dago, inguruko herrialdeekin: Britainia Handia, Frantzia eta Portugal.
Rip Curlekin batera, Gipuzkoako Surf Federazioak Udalaren eta Gipuzkoako Foru Aldundiaren babesa du. Maialen Saez Gipuzkoako Surf Federazioko presidenteak bere esker ona adierazi du, izan ere, “oso eskertuta gaude Rip Curlek estatuko proba bakarra fidatu digulako eta erakundeek Estatuko proba garrantzitsuenetako batean lagundu gaituztelako, surflariak nazioarteko zirkuitura eraman ahal izateko aukera paregabea delako. Federazio gisa, gure ardura da tokiko talentua indartzea, Gipuzkoak Parisko hurrengo olinpiadetan parte hartuko duten 3 kirolari dituen une honetan”.
Iñaki Garbarain Kiroletako eta Bizitza Osasungarriko zinegotziak nabarmendu duenez, “Donostiaren izaera surflaria, eta, zehatzago esanda, Zurriolako hondartzarena, nazio mailan olaturik onena duen hondartzetako bat da, eta Surflari asko joaten dira egunero, haize eta marearen aurka, gustukoen duten Kirola egitera. Gero eta neska eta mutil gehiagoak janzten dute neoprenozko jantzia eta taula gainera igotzen dira olatuak surfeatzeko. Hau bezalako gertaerak, zalantzarik gabe, Donostia surfa eta hiriaren irudia kirol honen helmuga bezala sustatzeko igotzen den tranpolina dira”.
Rip Curl Gromsearch 2024 nazioarteko txapelketa lehiaketatik haratago doa, eta ikusleek Kultur festak gozatzeko aukera izango dute: FederArte Market, Yow surf skate, Surf inklusiboa, Elene Tamyoren zeramika tailerra eta Dantz Academy. Larunbateko egunari amaiera emateko, Borja S eta Orphidal disko-jartzaileez gozatu ahal izango da Sagueseko Zabalgunean. Izena emateko epea zabalik dago eta Federazioak gisurga@gmail.com helbide elektronikoa eman du.
