Europari begira jarrita itzuliko dira
Realeko neskek bihar jokatuko dute, eta, etzi, mutilek Anoetan. Ibaeta Basket, Gipuzkoa Basket eta Donostia Atletiko etxetik kanpo ariko dira, eta belar hockeyko Reala etxean.
Realaren eta Alavesen arteko derbia txuri-urdinek irabazi zuten Pachecoren gol bati esker.Reala 
Ospakizunak ospakizun, oporraldia bukatu da gizonen lehen mailako futbol taldeentzat. Reala etzi itzuliko da Anoetara etxeko lanak betetzera (21:00). Almeria azken sailkatua izango dute aurrez aurre. Sailkapenak aipatuta, txuri-urdinen esku dago historia idazten jarraitzea. Izan ere, bosgarrenez jarraian Europara sailkatzeko aukera paregabea dute. Batez ere, Athleticek Espainiako Kopa irabazi ostean. Reala Europa Ligako postuetan dago, seigarren 49 punturekin. Valentzia eta Betis dira mehatxu nagusiak, eta, beraz, hutsik ez egitea dagokie txuri-urdinei.
Emakumezkoen Realak, berriz, burua altxatzeko partida jokatuko du bihar Zubietan (12:00). Azken bi porrotek utzitako sentsazio txarrari buelta eman behar diote kopako finalerako konfiantzarekin iristeko. Otsaileko lehen asteburutik ez dute berriz ere irabaztea lortu, eta hori bihar lor dezakete Sporting Huelva mendean hartuta.
Saskibaloian, etxetik kanpo ariko dira Ibaeta Basket eta Gipuzkoa Basket. Biak ala biak irabaztetik datoz, eta helburuak gero eta gertuago dituzte. Ibaeta Basketek bihar jokatuko du Bembibreren pistan, eta Gipuzkoa Basketek etzi Madrilen, Estudiantesen etxean.
Saskibaloian, Ibaeta Basketek garaipen garrantzitsua eskuratu du asteburuan, Gernikari etxean 58-54 irabazita. Partida borrokatua izan zen, baina azkenean donostiarrak gailendu ziren, eta ligako bederatzigarren postuan daude orain, bizkaitarren aurretik. Bestalde, Gipuzkoa Basketek ere garaipena eskuratu du asteburuan, Cantabriaren etxean 96-106 irabazita. Laugarren postuan daude orain donostiarrak.
Azkenik, belar hockeyan etzi jokatuko dute hiriko bi ordezkariek. Realeko neskek Jolaseta hartuko dute etxean, eta Donostiako Atletikok Juniorren kantxan jokatuko du.
PARTIDAK
Futbola
Emakumezkoen liga, 23. jardunaldia
- Reala – Sporting Huelva (larunbata 13, 12:00)
Gizonezkoen liga, 31. jardunaldia
- Reala – Almeria (igandea 14, 21:00)
Saskibaloia
Emakumezkoen liga, 29. jardunaldia
- Bembibre – Ibaeta Basket (larunbata 13, 18:15)
Gizonezkoen bigarren mailako liga, 30. jardunaldia
- Estudiantes — Gipuzkoa Basket (igandea 14, 12:30)
Belar hockeya
Emakumezkoen liga, 16. jardunaldia
- Reala – Jolaseta (igandea 13, 16:00)
Gizonezkoen liga, 16. jardunaldia
- Junior – Donostiako Atletiko (igandea 14, 11:00)
