Lola Pendande fitxatu du Ibaeta Basketek
Lola Pendande, Bartzelonarekin.@pendandelola 
Lola Pendande pibota fitxatu du Ibaeta Basketek 2024-2025eko denboraldirako: “Jokalari gaztea eta nazioarteko eskarmentuduna, barneko jokoan funtsezkoa den postu baterako”, nabarmendu du klubak. Almerian (Andaluzia, Espainia) 2000. urtean jaioa, Espainiako Ligan zein nazioartean jokatu du dagoeneko eta 1,93 metro neurtzen du.
16 urte zituenean, 16 urtetik beherakoen Europako Txapelketa jokatu zuen Espainiako selekzioarekin eta 22 urterekin debutatu zuen selekzio absolutuan, baita iazko Europako Txapelketan zilarrezko domina eskuratu ere. 2018an, Espainiako bigarren mailan jokatzen aritu ostean, AEBetara joan zen, eta Utahn eta Miamin jokatu zuen, pasa den denboraldian Espainiako Ligara itzuli zen arte. Bartzelonan aritu da azken denboraldian, partidako zortzi puntu sartuta eta bost errebote hartuta, batez beste.
