AEAren legea izapidetzeko premiazko deiarekin bat egin du udalak
Mariaje Idoeta zinegotzia ADELA elkartzeko ordezkariekin.Donostiako Udala 
Gaur, ekainak 21, Alboko Esklerosi Amiotrofikoaren (AEA) Nazioarteko Eguna da. Horren harira, Donostiako Udalak eta Gipuzkoako ADELA elkarteak agerraldia egin dute udaletxeko prentsa aretoan. AEAren legea Espainiako parlamentuan izapidetzeko premiazko deia egin du elkarteak, eta udalak bat egin du eskaera horrekin.
“AEA gaitzak behar soziosanitario bereziak ditu, eta egungo sistema publikoak %10ean baino ez ditu betetzen. Ardura hori familien eta gurea moduko pazienteen elkarteen esku utzi dute. Horrek, askotan, enpleguei uko egitea eta kanpoko laguntza kontratatzea dakar. Gastu horri familiek ezin diote aurre egin”, deitoratu du ADELA elkarteak.
Hori dela eta, urteak daramatzate erakunde publikoei eskatzen AEA gaitza duten pertsonen eta familien aldeko “lege integral” bat. Espainiar estatuan 4.000 pertsona inguruk dute gaixotasuna. Aldiz, egunero hiru pertsona hiltzen dira eta hiru kasu berri diagnostikatzen dira.
