Añorgako karmenak
Zer kontzertu izango dira Añorgako Karmengo jaietan?
La Txama taldea. 
Gutxi gelditzen da Añorgako Karmengo jaiak iristeko, eta antolatzaileek iragarri dituzte dagoeneko kontzertuak; uztailaren 12ko asteburua da indartsuena, baina aurrekoan ere jai giroa egongo da Añorgan.
Hain zuzen ere, uztailaren 6aren, Zemento txarangak girotuko du auzoa 19:10etik aurrera, eta Olgetan erromeria arituko da gauean, 22:30ean. Hurrengo asteburuan, uztailaren 12an, Gabezin erromeria arituko da lehenengo, eta Zaparra eta The Riff Truckers arituko dira gaztetxean, 23:00etatik aurrera. Azkenik, larunbatean, uztailaren 13an, 23:00etan hasiko dira emanaldiak: La Txama taldeak joko du lehenengo, Herenegunek ondoren eta Vaquilla Zerek DJ-a ondoren.
Añorgako jaietako kontzertuen kartela.
