250 lagunek hartu dute parte II. Txirrita mendi lasterketan

2024/08/05

300 izen emate egon baziren ere, azkenean 250 lasterketari inguruk hartu dute parte II. Txirrita mendi lasterketan. Eguraldi ona lagun, giro paregabea egon da Altzako San Martzial plazan goiz-goizetik.

Emakumezkoetan iazko garaile bera izan da aurten ere, Erika Alvarez Alduncin aresoarra, eta iazko denbora lau segundoan hobetu du gainera: 1:32:16. Alvarez hasieratik bukaerara izan da nagusi. Antzeko nagusitasuna erakutsi du lehenengo gizonezkoak ere, Amets Aramberri Otegi zestoarrak, eta berak ere errekor berria ezarri du: 1:12:34. Sailkapen guztiak hemen dituzue ikusgai: beteranoena, altzatar onenarena, erreleboena eta Gaztelueneko estratarena.

Bigarren edizio honetan tarte handiagoa eskaini diote kulturari, eta bertsoek presentzia nabarmena izan dute lasterketaren hasieran, bitartean zein amaieran. Onintza Enbeita eta Andoni Egaña bertsolariek balio erantsia eman diote lasterketari, inolako zalantzarik gabe. Streamingeko zerbitzua eskaini duen Txotx kolektiboa ere asebeteta geratu da egindako lanarekin.

Asier Gonzalez de San Pedroren argazkiak:

II. Txirrita Mendi Lasterketa. (Argazkia: Asier Gonzalez de San Pedro)