Gizon bat atxilotu dute emakume bati sexu erasoak egotzita
Horretaz gain, diru zorroa ere lapurtu zion gizonak biktimari.
Gizon bat atxilotu du Ertzaintzak bart goizaldean, emakume bati sexualki erasotzea egotzita. Hiriko erdiguneko diskoteka baten inguruan gertatu zen, eta agenteek laster harrapatu zuten ustezko erasotzailea.
Goizaldeko bostak eta hamarretan gertatu zen. Biktimak Ertzaintzan abisatu zuen gizon bat oldartu zitzaiola eta ukituak egin zizkiola, eta handik gutxira topatu zuten susmagarria, inguruko kale batean. 20 urte ditu eta sexu eraso eta lapurreta delituak egotzi dizkiote, diru zorroa ere lapurtu baitzion biktimari. Atxilotua polizia etxera eraman zuten eta epailearen eskuetan dago orain.
