850 orrialde, abuztuaren 31ko setioa ulertzeko
Jose Maria Leclercqek 'Aquel verano de 1813' liburua argitaratu du.Comunicamelo 
Jose Maria Leclercqek Aquel verano de 1813 liburua aurkeztuko du ostiralean, hilak 30, 19:00etan, Donostiako Udal Liburutegiko kriptan. “Ikerketa historikoa maite duen” donostiar honek 25 urte baino gehiagoz egindako lan guztia biltzen duen argitalpena da.
Liburuak, ia 850 orrialdeetan, 1813ko uda hartan Donostian gertatu zena erakustea du helburu. Protagonisten bidez kontatu nahi du gertatutakoa, biktimen testigantzak gutun pertsonalen, memorien eta dokumentu ofizialen bidez erakutsiz, horrela “drama honen aktoreei hitza emanez eta denboraren lainoak gertakari hau jada urrun dagoen gatazka baten zerbait bezala ahaztea eragotziz”.
Hiritar Merezimenduaren Domina
Deustuko Unibertsitatean Historia eta Geografia ikasi ondoren, Valladolideko Unibertsitatean lizentziatu zen Leclercq Arkeologia espezialitatean. Arkeologo lanetan aritu ondoren, zaletasun eta pasio gisa ekin zion ikerketa historikoari, 1813ko setioan sakonduz, bere aita Jose Luisek bildutako dokumentazioa aurkitu eta gero.
Hogei urteko ikerketan, datu argitaragabeak aurkitu ditu, eta dibulgazio lan nekeza egin du, hitzaldien eta komunikabideetan egindako esku hartzeen bidez. Konpromiso horren lana aintzatetsi zuen udalak, 2022an, Hiritar Merezimenduaren Domina emanez.
Gaur egun, Donostia 31 Kultur Taldearen buru da, eta 1813ko abuztuaren 31ko ospakizunetan laguntzen dio.
