Bi kontzertu eskainiko ditu Izarok abenduan Kursaalen, 'Izaro Gabonetan' diskoa ezagutarazteko
Proiektu berri batean murgilduta dabil Izaro abeslaria: Izaro Gabonetan diskoa kaleratuko du, Durangoko Azokari begira. Instagram sare sozialean abeslariak azaldu duenez, berak idatzitako kantuak biltzen ditu diskoak, eta kolaborazio “berezi” bat daukala ere aurreratu du.
Diskoa ezagutarazteko, bi kontzertu eskainiko ditu Kursaalen, abenduaren 22an eta abenduaren 23an. Sarrerak gaur jarri dituzte salgai, 11:30ean.
