Porrontxo jaietako herri bazkari jendetsua, iruditan
Giro eguzkitsuarekin bazkaldu dute Egiako kuadrillek Plaza Haundin.
Kapelak eta betaurrekoak ez dira faltatu herri bazkarian. Olatz Balda 
Urteroko legez, adin tarte askotariko ehunka lagun bildu dira Porrontxo jaietako herri bazkari jendetsuan. Goizeko jardueren ostean, Plaza Haundi leporaino bete da eta lagun taldeek giro ederrean igaro dute bazkalordua. Atzoko festa giroa dezente luzatu dela sumatzen zen gutxi batzuen neke aurpegietan. Nolanahi ere, indarrak hartzeko aukera gisa baliatuko zuen batek baina gehiagok, algarak eta lagun arteko txantxak nagusitu baitira otorduaren bueltan. Eguzki izpien berotasunpean batzuk, zorioneko itzalean besteak, kuadrillen blusekin eta mozorro apaingarriekin koloreztatu dute plaza.
Hainbat egun daramate Egiatarrek jai giroan murgilduta, baina oraindik jarduera mordoa gelditzen dira aurretik, eta hemen kontsultatu dezakezue egitaraua.
Jarraian herri bazkariko irudi bilduma ikus dezakezue:
