Herritarrei aurkeztuko diete Plan Orokor berriaren aurrerapena
Bihar, hilak 30, Donostiako Udalak Hiri Antolamendurako Plan Orokor berriaren aurrerakina aurkeztuko du udaletxeko udal batzar aretoan. Herritarren iritziak eta proposamenak jasotzeko abian jartzen den parte hartze prozesuaren ildo nagusiak aurkeztuko dituzte.
18:30ean hasiko da saioa, eta proiektu honen arduradun politiko eta teknikoek hartuko dute parte.
Joan nahi duten herritarrek Alderdi Ederreko atetik sartu beharko dute udaletxera.
