Saskibaloia
Errumanian irabaztea du helburu Ibaeta Basketek
Ibaeta Basketeko jokalariak.Ibaeta Basket 
Ligako azken neurketa galdu ostean, garaipenaren bidea berreskuratzeko aukera dauka gaur Ibaeta Basketek, Europako Kopan. Hain zuzen ere, multzoen faseko bigarren partida jokatuko du gaur (hilak 17), Errumanian, ACS Sepsiren etxean (18:00).
Estrella Rojaren aurka jokatu zuten donostiarrek txapelketako lehenengo norgehiagoka, baita irabazi ere (70-64). Errumaniarrek, aldiz, galdu egin zuten lehenengo partida, AEO Proteas Voulas talde greziarraren aurka (77-71). Hala ere, ez da neurketa erraza izango, Sepsik hiru aldiz irabazi baitu Europako Kopa (2011, 2012 eta 2019), eta bost aldiz Errumaniako Kopa ( 2011, 2012, 2015, 2016 eta 2017).
