50 artista eta talde batuko ditu IX. Artista Liburuari Buruzko Topaketak
Arteliburu 21ek eta San Telmo museoak antolatuta, Artista Liburuari Buruzko IX. Topaketa egingo dute asteburu honetan museoan. Ostiraletik igandera, 50 artista eta taldek baino gehiagok beren lanak erakutsiko dituzte museoan jarriko duten erakusketan.
Aurten, E3-Euskal Emakume Eskultoreak izango da gonbidatutako kolektiboa eta berariaz topaketa honetarako sortu duten lan kolektiboa aurkeztuko dute. Gainera, hainbat taldekidek hitzaldia eskainiko dute, taldean egindako prozesu eskultoriko bat nolakoa den azaltzeko. Horrez gain, ohi bezala, hainbat jarduera izango dira asteburuan; besteak beste, familiei zuzendutako tailerra eta baita poesia eta musika errezitaldia ere.
Erakusketarako sarrera eta jarduerak doakoak izango dira.
Parte hartuko duten artistak
Honakoak dira erakusketan parte hartuko duten artistak: Helena Aierbe, Mario Telenti, Carmen Aduriz, Paoletta Balmelli, Jorge Zamarreño, Susana Lopez, Olaia Martinez, Caro Sanchez, Mertxe Enrique, Javier Vallejo, Mercedes Garcia, Mmar Estevez, Antton Garin, Eva Rodriguez, Helena Agell, Milagros Botella, Bibi (Mª Vic. Liras), Iñaki Albisu, Eider Baile, Luis Barrios, Eluska Kortajarena, Idoia Grijalbo, Detritus, Maria Zubizarreta, Julia Otxoa, Tomas Ruti, Jose Miguel Chirivella, Joxemari Carrere, Isabel Elizalde eta Arri Bidasoro.
Egitaraua
Erakusketa
Azaroaren 8an, 16:30-19:00 bitarte egongo da erakusketa zabalik. Azaroaren 9an, 10:00-19:00 bitarte, eta azaroaren 10ean, 10:00-13:30 bitarte. Jarduerak, hauek izango dira:
Azaroak 8
– 16:30 Inaugurazioa
– 17:30 E3 kolektiboaren hitzaldia. Elebitan.
Eskulturaren prozesua, kolektibotik, Amaia Conde, Amparo Lozano eta Eider Baile.
Azaroak 9
– 11:00 Iratz-ekin: iratzea erabiliz ekin, Isabel Elizalde
– 12:00 Shrigley. Encuadernación y conservación de obra gráfica plana, con papel y sin cola, Eva Rodriguez
– 13:00 Encuadernación de Libro escultura de cubierta articulada flexible, Luis Barrios
– 17:00 Hizkiz-hizki, poema ilustratuak, entzuteko gidak, Iñaki Albisu
– 17:00-19:00. Familientzako tailerra. Euskaraz.
Artista liburua edo museoa?, Eluska Kortajarena.
Azaroak 10
– 11:45-13:30. Musika, nobela, poesia, kontakizuna. Elebitan.
