Astebururako plan bila?
'Cinco lobitos' filma. 
Plan bila al zabiltza astebururako? Gure agendako atalean askotarik ekitaldi proposamenak aurkituko dituzu, baina jarraian egun bakoitzeko proposamen zehatz bat egingo dizugu.
Ostiralean (hilak 15), Alauda Ruiz de Azuaren Cinco lobitos filma (2022) proiektatuko dute Tabakaleran, 19:00etan, Euskal emakume zinemagileak zikloaren barruan. Sarrerak hemen erosi ditzakezue.
Larunbatean (hilak 16), Miramon Brass taldeak joko du Euskadiko Orkestra Sinfonikoaren egoitzan, 11:00etan. Miramongo matinéeak zikloaren barruko emanaldia da, eta sarrerak hemen daude salgai.
Azkenik, gaurtik aurrera, LABO XL dantza, antzerki eta zirku jaialdia egiten ari dira Tabakaleran, igandera bitarte. Hain zuzen ere, igandean (hilak 17) Dabadaba aretoan egingo duten ekitaldi berezi bat gomendatuko dizuegu: Clara Ingolden Paloma de parque ikuskizuna, 20:00etan; sarrerak hemen daude salgai.
Bonus track: hurrengo asteartean (hilak 19), Bertha Gaztelumendi eta Rosa Zufia zinemagileen 2023ko Arnasa betean filma proiektatuko dute Emakumeen Etxean, 19:00etan, eta Zufiarekin egingo dute solasaldia.
