Saskibaloia
Ibaeta Basketek hilabete garrantzitsua du aurretik
Europan maila onean ari badira ere, emakumezkoen ligako azken postuan daude.
Etxea ez ezik, etxekoa babesteko beharra du Ibaeta Basket saskibaloi taldeak. Ligan lau partida jokatu dituzte, eta bakarra irabazi. Ondorioz, sailkapeneko zuloan daude, eta gora begira jartzeko partida zaila dute gaur. Perfumerias Avenidaren kontra ariko dira Gaska kiroldegian, 19:30ean.
Arerioa ez da beste urte batzuetakoa, baina donostiarrei kostako zaie emaitza on bat lortzea. Azu Muguruzak gidaturiko taldeak Europako Kopako joko maila ona beharko du garaipena eskuratzeko. Izan ere, Europan jokaturiko guztia irabazi dute.
