Egin al duzu astebururako plana? Hemen proposamen batzuk
Ke Lepo artista. 
Zubia, Durangoko Azoka… zuetako asko, segur aski, ez zarete Donostian geldituko asteburu honetan, baina hemen gelditzekoak zaretenentzat, gure agendan aurkituko dituzue zenbait kultur eta aisialdi jarduera, hirian asteburua disfrutatzeko. Jarraian, egun bakoitzeko proposamen bat egingo dizuegu, gainera.
Ostiralean (hilak 6), Gipuzkoako Ahotsak zikloaren barruan, Ke Lepo eta Alai arituko dira Tabakaleran, 21:00etan; musika elektronikoaz disfrutatzeko gau aproposa izango da. Sarrerak hemen daude salgai.
Larunbatean (hilak 7), metal eta hardcore zaleentzako (edo estilo horietan murgildu nahi dutenentzako) proposamena: Nunk, Viewer eta Calathea taldeek joko dute Mogambo aretoan (20:30). Sarrerak han bertan egongo dira salgai, 7 euroan.
Azkenik, igandean (hilak 8), Ruper Ordorika ikusteko aukera duzue Donostian. Viktoria Eugenia antzokian arituko da, 19:00etan, bakarlari gisa. Sarrerak hemen daude salgai.
Bonus track: astean zehar kontzertu desberdin bat ikusi nahi baduzue, ostegunean Omar Souleyman dabke abeslaria arituko da Dabadaban, 21:00etan; sarrerak hemen daude salgai.
