Agifesen alde egingo dute Kontxapuzoia
Urtero hainbat lagun bainatzen dira Kontxan, elkartasun keinu bat eginez. Fortuna kirol elkartea 
Fortuna Kirol Elkarteak hamaseigarrenez antolatu du Gabonetako Kontxapuzoia, urteroko egitasmo solidarioa. Hilaren 25ean izango da, Eguberri egunean, eta bildutako dirua Agifes elkartearentzat izango da aurten.
Izena emateko epea irekita dago (15 euro), eta 25ean bertan ere eman ahalko da izena, 11:30etik aurrera, Fortunaren egoitzan (Kontxako erlojupean). Bestalde, bainu solidarioan parte hartu ez, baina ekarpena egin nahi dutenek urtarrilaren 6ra bitarte egin ditzakete diru ekarpenak, Toldo 0 aukeraren bidez.
Agifesek osasun mentaleko arazoak dituzten pertsonei eta haien familiei laguntzeko guneak eskaintzen ditu Gipuzkoan. Irabazi asmorik gabeko elkartea da, eta duela lau hamarkadatik hona, kaltetutako pertsonen bizi kalitatea hobetzeko lan egiten du, haien gizarteratzea eta gizarteratzea sustatuz.
