Herri Ametsa Talaia mendi krosa zortzigarrenez egingo dute
Herri Ametsa Talaia mendi krosa.Herri Ametsa ikastola 
Igandean, urtarrilaren 26an, VIII. Herri Ametsa Talaia mendi krosa egingo dute, Ulia mendian zehar. Herri Ametsa ikastolak antolatzen duen mendi lasterketa, mendi ibilaldia eta kros txikia da.
Aurreko urteetan egin moduan, kros txikia egingo dute lehendabizi. 09:00etan hasiko da, eta 50 haurrek parte hartuko dute. Ondoren, 3,7 kilometroko mendi ibilaldiari ekingo diote 100 mendizale inguruk familia eta lagun giro atseginean. 15,3 kilometroko mendi kroseko 300 korrikalarien txanda 10:00etan izango da.
Antolatzaileen arabera, aurten ez dago batere argi txapela nork jantziko duen: “Sarah Ugartek aukera asko izango ditu. Amets Aranberri eta Hodei Lujanbio ez dira urrun ibiliko gizonezkoen artean, ezta Herri Ametsa saria aurretik irabazia duen Andoni Uzkiano ere”.
Sari banaketa 12:15etik aurrera egingo dute, eta, ondoren, hamaiketako batekin elkartuko dituzte korrikalariak, mendizaleak eta ikusleak ikastolako frontoian.
