IRUTXULOKO HITZAko bi kazetari izango dira Lilatoiko esatariak
Gure lantaldeko Andrea Bosch eta Sara Ibarguren kazetariak arituko dira esatari lanetan, otsailaren 23an, Lilatoiaren egunean.
IRUTXULOKO HITZAko emakumezko lankideak eta Alicia Bikandi, Donostiako Atletikoko kidea eta Lilatoiaren antolatzailea.Oier Arribas 
IRUTXULOKO HITZAk urtero hartzen du parte Lilatoian, gure baloreekin bat egiten duen lasterketa delako. Emakumeak lehen lerroan jartzea eta Donostian feminismoa aldarrikatzea da lasterketaren helburua, eta baita gure komunikabidearen helburu nagusietako bat ere.
Aurten ere, iaz egin genuen eran, modu berezi batean inplikatu gara 35. Lilatoian. Izan ere, gure lantaldeko Andrea Bosch eta Sara Ibarguren kazetariak arituko dira esatari lanetan, otsailaren 23an, Lilatoiaren egunean.
Mikronofoak hartu, eta prest gaude lasterketa girotu eta emakume korrikalariei animatzeko. Sekulako giroa egongo dela ziurtatu digu Alicia Bikandi Donostiako Atletikoko kideak eta Lilatoiaren antolatzaileak.
Eta zuek zer? Prest zaudete gurekin batera zain dugun Lilatoiari ongietorria emateko? Bertan ikusiko dugu elkar!
