Donostiarren laguntza burmuina eta hizkuntza aztertzeko
80.000 donostiar inguruk Basque Center on Cognition, Brain and Language (BCBL) ikerketa zentroko azterketetan lagundu dute.
Emakume bat BCBLn proba mental bat egiten.BCBL 2010az geroztik, 80.000 donostiarrek baino gehiagok parte hartu dute Basque Center on Cognition, Brain and Language (BCBL) ikerketa zentroko azterketekin, burmuinak hizkuntza nola prozesatzen duen ulertzeko. Donostiako alkatea, Eneko Goia, eta Jon Insausti, Kultura eta Euskara zinegotzia, Donostiako Mikeletegi pasealekuan kokatuta dagoen BCBL bisitatzera joan dira.
Ume bat BCBLn proba mental bat egiten.BCBL
Enpresa honek bi helburu nagusi ditu: hizkuntzak ikasteko metodoak hobetzea eta dislexia edo alzheimerra bezalako arazoak diagnostikatzeko eta tratatzeko moduak garatzea. Manuel Carreiras zuzendari zientifikoak nabarmendu duenez, “herritarren laguntza ezinbestekoa izan da hasiera-hasieratik gure ikerketetarako. Egunero haurrak zein adineko pertsonak igarotzen dira gure laborategietatik, eta gure lan zientifikoa egin ahal izateko behar ditugun datuak lortzen laguntzen digute, gero guk gizarteari ezagutza berria itzuli ahal izateko”.
Etorkizuneko erronken bila
BCBL mundu mailako erreferente bihurtu da, baina datozen urteetan, donostiarren laguntza ezinbestekoa izango da elebitasuna, irakurketa eta hizkeraren garapena sakonki aztertzeko. Horien artean, Ikerbasqueko Marie Lallier ikerlariak, ERC Consolidator Grant laguntzari esker, hurrengo proiektua gidatuko du: euskaraz eta gaztelaniaz hitz egiten duten 500 haur aztertuko dira, elebitasunak irakurketan izan dezakeen eragina aztertu ahal izateko.
“Proiektuetako batean aztertu nahi da, adibidez, hainbat hizkuntzatan irakurtzen ikasteko irakurle hasiberriek konpentsazio estrategiak nola garatzen dituzten; beste batean, aldiz, musika entrenamenduak pertzepzioa eta ekoizpen prosodikoa bigarren hizkuntza batean hobetu ditzakeen aztertuko da, aldi berean elebitasunak eta musika gaitasunak prozesu horretan zer eragin duten ebaluatuz”, adierazi du Carreirasek.
Eneko Goia, Donostiako alkatea, eta Jon Insausti, Kulturako, Euskarako eta Turismoko zinegotzi ordea, gaur BCBLn.BCBL
