Unax Otegi bosgarren izan da Mutrikuko Atxukale Sarian
Unax Otegi Donostialdea Bizikletaneko txirrindularia, Mutrikuko helmugan.Txirrindulariak.eus 
Mutrikuko gazte mailako Atxukale saria jokatu zen atzo, eta Donostialdea Bizikletan taldeko Unax Otegi txirrindularia bosgarren sailkatu zen. Iñaki Lopez Rey irabazlearengandik lau segundora sartu zen helmugan, esprint luze baten ondoren.
Denboraldiko bigarren lasterketan, oro har, maila onean aritu ziren Donostiako txirrindularitza eskolako ziklistak. Beste bostek bukatu zuten proba: Unai Iturrate (22. postuan), Martin Leblanc (69.), Aimar Capdequi (78.), Janin Aguerre (103.) eta Unai Hernandez (119.)
Kadete mailan, berriz, Liam Martinez Kudjak izan zen Donostialdea Bizikletaneko onena atzo, Mendaro Herria sari nagusian, 18. postuan sailkatuta, Ander Larraburu irabazlearengandik bi segundora. Beste sei ziklistek bukatu zuten lasterketa: Danel Conde (71. postuan), Santiago Roa (90.), Aimar Zapiain (94.), Oier Perez Ruiz de Cortazar (110.), Anje Larburu (125.) eta Manex Barace (126.).
