Martuteneko espetxeari buruzko bilera bat egingo dute aste honetan udalak eta Eusko Jaurlaritzak
Martuteneko espetxea.Irekia 
Eneko Goiak alkateak aurreratu duenez, aste honetan elkartuko dira Donostiako Udala eta Eusko Jaurlaritza Martuteneko espetxeari buruz hitz egiteko. Tokiko Gobernu Batzordearen ostean, bilera horri buruz galdegin diote, eta alkateak baieztatu egin du. Gainera, “baikor” agertu da, espetxea eraitsi eta lursail horretan etxebizitzak egiteko helburua gero eta gertuago delako.
Hain zuzen ere, udalak Txomiñeneko bigarren fasea “ahalik eta azkarren” abiatu nahi duela onartu du Goiak: “Udalaren esku dagoen heinean, erraztasunak jarriko ditugu bigarren fasea lehenbailehen martxan jartzeko”.
