Donostia Arraun Lagunak-ek eta Donostiarrak astindu dute bandera
XXV. Hondarribiko traineru jaitsieran maila onean aritu dira Donostiako arraun klubak.
Donostia Arraun Lagunak-eko trainerua garaipena ospatzen.Hondarribia Arraun Elkartea 
Larunbat arratsaldean, XXV. Hondarribiko traineru jaitsiera egin zuten, eta Donostia Arraun Lagunak (15:00,18) eta Donostiarra (20:35,81) izan ziren azkarrenak, bakoitza bere kategorian.
Nesken traineruak sasoi paregabean jarraitzen du, eta alde nabarmenarekin eskuratu zuen bandera. Bigarren sailkatu zen Tolosaldea (15:01,07) eta hirugarren Orio (15:13,36). Donostiarrako neskek ez zuten parte hartu.
Donostiarrako mutilak egindako jaitsiera ona ospatzen.Hondarribia Arraun Elkartea
Gizonezkoen Donostiarrak, berriz, jaitsiera oso ona egin zuen garaipena ziurtatzeko. Bigarren izan zen Ondarroa (20:41,15) eta hirugarren Getaria (20:45,22).
Beteranoetan, Zarauzko eta Orioko arraunlari ohiez osaturiko Badok 13 A ontzia izan zen onena (14:38,91). Aldiz, bigarren sailkatu zen Donostiako Fortuna (14:49,39) eta hirugarren Zumaia A (15:12,93).
