Loiolako 'Berritxu' loroa etxera itzuli da
'Berritxu' eta Josune Nosellas, Loiolako beraien etxean.Estitxu Zabala 
Igandetik desagertuta zegoen Loiolako Berritxu loroa, baina etxera itzuli dela jakinarazi du Josune Nosellas jabeak. Sare sozialetan zabaldu duen bideoan ikus daiteke Berritxu bere etxean, eta Nosellasek dio Antiguako Aizkorri kaleko etxe batean topatu dutela.
Hiru egun zeramatzaten haren bila, eta kezkatuta egon dira ordutik Nosellas eta haren sendia. Loroaren desagertzeak zeresana eman du, eta albistea hedabide askok –Euskal Herrikoek eta Espainiakoek— eman dute. Are gehiago, loroa bilatzeko prozesua gertutik jarraitu dute. Sareetan ere bolo-bolo zabaldu da Berritxu desagertu izanaren albistea. Zorionez, ordea, etxera itzuli da.
Berritxu ezaguna da Loiolan, etengabeko hizketaldiengatik. Yako espezieko loroa da, eta 2012tik bizi da Nosellas sendiarekin. 2017an IRUTXULOKO HITZA loroaren eta haren jabearen etxean izan zen, eta erreportajea hemen irakur dezakezue.
