Oporretan Euskaraz egitasmoa aurrera eramango dute aurten ere
Uztailaren 3tik 30era bitartean aurrera eramango dute, 2014 eta 2020 urteen artean jaiotako haurrek parte har dezakete.
Oporretan Euskaraz programaren aurtengo oinarriak eta funtzionamendu arauak onartu ditu udalak. Uztailaren 3tik 30era bitartean aurrera eramango duten jardueraren helburua 2014 eta 2020 urteen artean jaiotako haurren artean euskararen ezagutza indartzea eta erabilera sustatzea da.
Jarduera astelehenetik ostiralera egingo dute, 09:00etatik 13:30etara, haurtzaindegi zerbitzua emango dute, 08:30etik 09:00etara.
Izen ematea apirilaren 28an abiatuko dute eta maiatzaren 6a arte luzatuko da.
