Bi haur parke estaliko ditu udalak
Antiguako Reno eta Loiolako Erriberako Santiago parkeak estaltzeko proiektuak onartu ditu gobernu batzarrak.
Arrobitxulo parkearen estalitako guneaDonostiako Udala 
Tokiko Gobernu Batzarrak bi proiektu onartu ditu Partaidetzazko Aurrekontuen aurreko prozesuetan herritarrek hautatutako haur parkeetan estalkiak egikaritzeko, espazio horiek hobe aprobetxatzeko helburuarekin. Batetik, Antiguako Reno parkean ehunezko estalkia jartzekoa, eta bestetik, Loiolako Erriberako Santiago parkea estaltzekoa. Lehena, Jorge Lopez Tubiak idatzi du, egikaritze epea bost hilabetekoa da eta 236.286 euroko aurrekontua du. Bigarrena, aldiz, Arkaitz Lasa Adotek idatzi du, egikaritze epea sei hilabetekoa da eta 345.464 euroko aurrekontua du.
