Klik-klak
Behera penak!
Bimba y Lola, H&M, Pull & Bear, Pititin eta Patatan. Bidaiatzea ez da arazo, baina bidaiariak ikusten baditugu hankadun diru zorro gisa, eta hiria bihurtzen badugu txanponak egiteko makina bat, zer geratzen zaigu?
Geratzen zaizkigu dendak eta dendak eta dendak frantsesez eta ingelesez beteak, eta tabernak ilara luze-luzeekin, pintxoak bokadilo prezioan erosten.
Eta esaten dute dirua ekartzen duela, baina horrek zeinen bizitzak hobetzen ditu? Tabernari eta arropa tolesten dutenen soldatak bikoiztu al dira azken hamarkadan?
Laster jarriko dute publizitate panel erraldoiren bat hiriaren sarreran: «Etorri, erre hiria eta joan. Eta ez ahaztu irribarrea»
