Donostiako Orfeoia Zetakek Illunben eskainiko dituen kontzertuetan parte hartuko du
Donostiako Orfeoia. 
Donostiako Orfeoiak bere “moldakortasuna eta egokitzeko gaitasuna” erakutsiko ditu berriz ere asteburu honetan, eta presentzia bikoitza izango du lehen mailako eszenatokietan, haien artean oso desberdinak direnak. Alde batetik, 80 abeslarik Donibane Lohizuneko Ravel Jaialdian parte hartuko dute ostiralean, Maurice Ravel konpositorea Ziburun jaio zela 150 urte bete direla ospatzeko egingo dena. Aldi berean, Orfeoiko talde txiki bat ZETAK taldeak Illunben irailaren 5, 6 eta 7an emango dituen hiru kontzertuetan parte hartuko du.
Donibane Lohizuneko kontzertua gaur egungo musikaren promesa den Tarmo Peltokoski maisu finlandiarrak zuzenduko du. Gainera, Tolouseko Kapitolioko Orkestra Nazionalak parte hartuko du ere. Egitarauari hasiera emateko, Toulouseko Orchestre National, BBC Philharmonic Orchestra eta Ravel Jaialdiak aurtengo ediziorako enkargatutako obra bat eskainiko da, Ravelen ‘Sites auriculaires’, Kenneth Heskethen moldaketekin, eta baita konpositore beraren ‘Ma mère l’Oye’ obra ere.
Bigarren zatian, Donostiako Orfeoia orkestrarekin bat egingo du ‘Daphnis et Chloé’ ballet integralaren bertsioa interpretatzeko, errepertorio sinfoniko-koralaren barruan Ravelen maisulantzat hartzen dena eta Frantziako inpresionismo musikalaren gailurretako bat dena.
Aldi berean, Zetak taldeak egingo duen MitoaroaII ikuskizunean Orfeoiko hamabi abeslarik parte hartuko dute.
