Euskaren Eguna
Kantujira egin dute Parte Zaharrean, Euskararen Egunaren atarian
Hainbat lagunek parte hartu dute txistulariek lagunduta egindako katujiran.Maitane Aldanondo 
Euskararen Eguna datorren asteazkenean, abenduak 3, bada ere, auzoetan hasiak dira jarduerak aurrera eramaten. Besteak beste, Parte Zaharrean kantu jira berezia egin dute eguerdian.
Plaza Berriko udaletxe zaharraren atarian, eskaileren mailak baliatuta jarri dira Donostiako Udaleko Txistulari taldeko kideak. Eurek jarritako doinura abestu dute bertaratutakoek, zuzendariari kasu egin, eta beharrezkoa balitz, hitzak zituzten libuxkei begiratuta. Entzundako abestiei jarraiki, begiratzeko edo batzeko asmoz, beste batzuk ere joan dira arkupera.
Geldialdiko kanta sorta amaituta, kalez kale joan dira euskal kantekin giroa hotza berotzera.
